Tá tú anseo:
Ainm
Éist 
Cluiche 
Cad atá i gceist leis seo?
Tá sé de cheart agat ainm agus céannacht a bheith agat.
Ba chóir go mbeadh a fhios ag an Rialtas cé hé tú féin agus taifead do bhreithe a bheith acu.
Trí d’ainm a chlárú ar do theastas breithe, tugtar uimhir Phearsanta Seirbhíse Poiblí duit. Is d’uimhir aitheantais uathúil í seo.
SAMPLA: Mura mbeadh do theastas breithe agat ná uimhir PSP, ní bheifeá in ann clárú le dochtúir áitiúil nó dul ar scoil.
Faigh tuilleadh eolais!
An bhfuil an ceart seo agam in Éirinn?
- UNCRC, article 7: Tá sé de cheart agat ainm a bheith agat, agus ba cheart don Rialtas é seo a aithint go hoifigiúil. Tá sé de cheart agat náisiúntacht a bheith agat (ceart chun tíre is dual duit).
- UNCRC, article 8: Tá sé de cheart agat céannacht a bheith agat – taifead oifigiúil de cé hé tú féin. Níor chóir d’aon duine é seo a bhaint uait.
- Faoin Acht um Inscne a Aithint 2015, má tá tú 16 nó 17 mbliana d’aois, tá sé de cheart agat d’inscne agus d’ainm a athrú le toiliú do thuismitheora trí na cúirteanna. – De réir an Achta um Chúram Leanaí 1991 agus Acht na Leanaí 2001, tá sé de cheart agat nach mbeadh d’ainm le feiceáil in aon mheáin má tá do thuismitheoirí sa chúirt maidir le do shocruithe coimeádta, nó má tá tú os comhair na gcúirteanna ar chúiseanna coiriúla. Cosnaíonn sé seo do chéannacht mar leanbh.
- Faoin Acht um Chlárú Sibhialta 2004, tá sé de cheart agat go gcláraíonn do thuismitheoirí d’ainm agus do chéannacht a chlárú leis an Stát laistigh de 3 mhí ó rugadh tú.
Tionscadal á dhéanamh agat?
- I dteastas breithe linbh, cláraítear ábhair cosúil le hainm iomlán an linbh, ainmneacha thuismitheoirí an linbh, agus cá háit agus cathain a rugadh an leanbh.
- Tá teastas breithe ag teastáil le haghaidh rudaí cosúil le pas a fháil agus dul ar scoil.
- Is féidir sloinne an linbh a athrú i gClár na mBreitheanna . Tá sé níos éasca é seo a dhéanamh nuair a aontaíonn an bheirt thuismitheoir leis an athrú ar an sloinne.
- Is féidir sloinne linbh a athrú freisin trí ghníomhas aonpháirtí.
- Is féidir le leanaí idir 14 agus 17 mbliana d’aois úsáid a bhaint as an nGníomhas Aonpháirtí iad féin, ach tá toiliú an bheirt thuismitheoir de dhíth orthu. Sa chás go bhfuil leanbh faoi 14 bliana d’aois, ní mór do thuismitheoir amháin den leanbh an Gníomhas Aonpháirtí a líonadh le toiliú an tuismitheora eile.
- De réir alt le BBC, i roinnt tíortha toirmisctear ainmneacha áirithe agus ní cheadaítear do thuismitheoirí na hainmneacha áirithe seo a chur ar a bpáiste, mar d’fhéadfadh náire a bheith orthu sa todhchaí.
- Tá polasaí fíor-ainm ag roinnt ardáin sna meáin shóisialta, cosúil le Facebook, toisc go gcreideann siad go bhfuil sé níos dóchúla go n-iompróidh tú go freagrach ar líne má úsáideann tú d’fhíor-ainm.
Naisc le heagraíochtaí eile
- Cartúin do Chearta Leanaí– Breathnaigh ar dhá chartún gearra faoi cheart chun ainm agus náisiúntachta, arna cheapadh do thionscnamh CÉINAL um Chartúin do Chearta Leanaí– anseoagus anseo
- Humanium– Faigh amach níos mó faoi cheart leanaí chun céannachta, lena n-áirítear ceart chun ainm agus náisiúntachta
