Skip to main content

Tá tú anseo:  

  1. Baile
  2. Fáilte go it's your right!
  3. 8-12 bliain d'aois
  4. Gach duine éagsúil, gach duine ar chomhchéim

Gach duine éagsúil, gach duine ar chomhchéim

8-12 bliain d'aois

Éist Cluiche

Cad atá i gceist leis seo?

Tá cearta leanaí ag leanaí uile, beag beann ar cé hiad, cad as dóibh, an chuma atá orthu, an teanga a labhraíonn siad nó an cultúr atá acu.

Tá sé de cheart agat go gcaitear go cothrom leat.

Níor chóir go gcaitear ar bhealach difriúil le leanaí faoi mhíchumas agus ba chóir go mbeidís in ann na rudaí ar fad a dhéanann leanaí eile a dhéanamh.

SAMPLA: Tá ceart chun oideachas a fháil ag gach leanbh in Éirinn. Má tá cabhair speisialta uait ar scoil, amhail rampa nó cúntóirí riachtanais speisialta, ba chóir don Rialtas a chinntiú go bhfaigheann tú é.

Foghlaim tuilleadh faoin gceart seo


An bhfuil an ceart seo agam in Éirinn?

  • Is éard atá i gceist le ‘idirdhealú’ ná nuair a caitear leat ar bhealach difriúil do dhaoine eile de dheasca an chuma atá ort, na háite as a dtagann tú, do chreidimh, na teanga a labhraíonn tú, más buachaill nó cailín tú nó má tá tú faoi mhíchumas. Tá dlí in Éirinn ar a dtugtar an tAcht um Chomhionannas ina luaitear go bhfuil an t-idirdhealú i gcoinne an dlí.
  • In Éirinn, ní féidir leis an gcuid is mó do scoileanna diúltú leat freastal orthu ar chúiseanna creidimh nó cine.
  • Tá scoileanna áirithe reiligiúnacha ann, amhail scoileanna do Giúdacha agus scoileanna do mhionlaigh reiligiúnacha eile, a thugann tús áite do dhaltaí a bhfuil an creideamh sin acu.
  • Is féidir le Gaelscoileanna tús áite a thabhairt do dhaltaí a labhraíonn Gaeilge sa bhaile.
  • Ní féidir le foireann spóirt ar bith tú a dhiúltú de bharr do chuma nó na háite as a dtagann tú.
  • Má tá obráid nó leigheas speisialta de dhíth ort, ní féidir le dochtúirí ná ospidéil a dhiúltú cóir leighis a chur ort de dheasca do chuma nó na háite as a dtagann tú.
  • Tá na cearta céanna ag leanaí faoi mhíchumas agus leanaí nach bhfuil faoi mhíchumas. Ba chóir go mbeidís in ann freastal ar scoil agus páirt a ghlacadh de réir a gcumas i ngníomhaíochtaí uile, díreach mar a dhéanann leanaí eile.

  • Coimisiún na hÉireann um Chearta an Duine agus Comhionannas Déanann Coimisiún na hÉireann um Chearta an Duine agus Comhionannas cearta an duine agus an comhionannas a chosaint agus a chur chun cinn in Éirinn. Tá tuilleadh eolais anseo maidir le céard is ciall leis an gcomhionannas.
  • Belong To – Oibríonn agus tacaíonn BeLong To le daoine óga LGBT (leispiach, aerach, déghnéasach agus trasinscneach) in Éirinn
  • Pavee Point – Faigh amach faoi Taistealaithe na hÉireann agus na Romaigh ó Ionad Taistealaithe agus Romach Pavee Point.
  • ‘eitneacht’ – Faigh amach faoin ‘eitneacht’ agus gach a mbaineann le Taistealaithe a bheith ina ngrúpa eitneach
  • An Cárta Dearg – Taispeáin an Cárta Dearg don Ciníochas chun é a ruaigeadh as an spóirt
  • CEINAP – Faigh amach ó Chiste Éigeandála Idirnáisiúnta na Náisiún Aontaithe do Leanaí conas is féidir le leanaí faoi mhíchumas aghaidh a thabhairt ar an idirdhealú in áiteanna éagsúla ar fud an domhain