Tá tú anseo:
Eolas
Éist 
Cluiche 
Cad atá i gceist leis seo?
Tá sé de cheart agat eolas a fháil ar bhealaí a thuigeann tú maidir le conas fanacht slán agus sláintiúil.
Ba chóir do dhaoine fásta i do shaol a chinntiú nach bhfaigheann tú eolas a dhéanfadh dochar duit.
Níl sé de cheart agat fón póca a bheith agat ach tá sé de cheart agat eolas a fháil saor in aisce, ón leabharlann mar shampla.
SAMPLA: Chun cabhrú lena chinntiú nach bhfaigheann tú eolas a dheanfadh dochar duit, d’fhéadfadh daoine fásta rialuithe a chur ar an idirlíon chun tú a choimeád slán.
Foghlaim tuilleadh faoin gceart seo
An bhfuil an ceart seo agam in Éirinn?
- Níl aon cheart chun idirlín ann fós. Nuair a scríobhadh an CNACL in 1989 ní raibh an t-idirlíon chomh forleathan ansin agus atá sé anois.
- Cé go n-íocann daoine as an idirlíon iad féin, tá sé de chúram an Rialtais a chinntiú gur féidir an t-idirlíon a rochtain cibé áit a bhfuil cónaí ort in Éirinn.
- Is féidir go leor eolais saor in aisce a fháil ón leabharlann, idir eolas ar líne agus eolas i leabhair.
- Ba chóir do na meáin, amhail an raidió, an teilifís, nuachtáin agus na meáin shóisialta, a bheith cúramach faoin mbealach a thugann siad eolas do leanaí. Ba chóir é a bheith oiriúnach agus sothuigthe.
Tuilleadh eolais
- Ionaid Eolais don Óige – Tá ionaid eolais don óige ar fud na tíre. Chun an ceann is gaire duit a aimsiú, féach anseo agus anseo.
- Lá le haghaidh Idirlíon níos Sábháilte – tuilleadh eolais maidir leis an Lá le haghaidh Idirlíon níos sábháilte.
- Líonra Idirnáisiúnta um Chearta an Linbh – Téann an eagraíocht seo i mbun feachtas ar son cearta leanaí ar fud an domhain. Tá siad go mór ar son leanaí a bheith in ann eolas a rochtain.
