Cuireann Oifig an Ombudsman do Leanaí fáilte roimh fhoilsiú Thuairimí Deiridh Choiste na Náisiún Aontaithe ar Chearta an Linbh

Cuireann Oifig an Ombudsman do Leanaí fáilte roimh fhoilsiú Thuairimí Deiridh Choiste na Náisiún Aontaithe ar Chearta an Linbh

Cuireann Oifig an Ombudsman do Leanaí (OOL) fáilte roimh fhoilsiú Thuairimí Deiridh Choiste na Náisiúin Aontaithe (Coiste) ar Chearta an Linbh (Déardaoin, an 9 Feabhra) ar an gcúigiú agus an tséú tuarascáil thréimhsiúil chomhcheangailte de chuid na hÉireann. Leanann sé an t-idirphlé dearfach idir an Coiste agus Stát na hÉireann ar a dhul chun cinn maidir le cearta leanaí a chomhlíonadh faoi Choinbhinsiún na Náisiún Aontaithe um Chearta an Linbh (CCL) an 24 agus 25 Eanáir 2023.

Cuireann OOL fáilte roimh an aird a tugadh le linn an idirphlé dearfaigh ar na saincheisteanna a ardaíodh in dhá thuarascáil a chuir OOL isteach: Cuireadh Pieces of Us, tuarascáil leanaí a bhfuil cónaí orthu in Éirinn, agus tuarascáil OOL, faoi bhráid an Choiste i mí Lúnasa 2022.

Thángthas ar dhá ábhar imní uileghabhálacha inár dtuarascálacha:

1. Tháinig moill agus laghdú ar bhearta a ghlac an Stáit chun aird an phobail a tharraingt ar chearta leanaí, lena n-áirítear bearta chun reachtaíocht, comhordú idirghníomhaireachta, bailiú sonraí, leithdháileadh acmhainní, ardú feasachta agus oiliúint a neartú.

1. Tá bacainní leanúnacha roimh ghrúpaí áirithe leanaí in Éirinn tairbhe a bhaint as a gcearta mar a bhaineann leanaí eile tairbhe astu; lena n-áirítear leanaí atá beo bocht, leanaí faoi chúram, leanaí sa chóras ceartais leanaí, leanaí faoi mhíchumas, leanaí atá ag lorg tearmainn agus leanaí atá ina ndídeanaithe, leanaí den Lucht Siúil, leanaí Romacha, leanaí LADTAI+, leanaí a bhfuil deacrachtaí meabhairshláinte acu agus leanaí gan dídean.

Mar a d’aithin OOL inár dtuarascáil don Choiste, bhí forbairtí dearfacha ann maidir le cearta leanaí a chomhlíonadh faoin CCL ó rinne an Coiste measúnú ar Éirinn in 2016. Cé go n-aithnítear an dul chun cinn seo sna Tuairimí Deiridh, aithníonn an Coiste freisin roinnt ábhar imní a bhfuil droch-thionchar acu ar leanaí in Éirinn agus déanann sé moltaí maidir leis na réimsí ina bhfuil gá le Stát na hÉireann gníomhú ina leith chun cearta leanaí in Éirinn a neartú agus a fheabhsú.

Cuirtear fáilte roimh mholtaí a bhaineann le hábhair imní a luaitear i dtuarascáil OOL agus Pieces of Us, agus cuirtear fáilte roimh an aird a thugtar do dheacrachtaí na leanaí atá faoi mhíbhuntáiste ar leith. Tarraingíonn an díriú ar an moill agus laghdú a tháinig ar bhearta a ghlac an Stát chun aird an phobail a tharraingt ar chearta leanaí aird ar roinnt ábhar a d’ardaigh OOL, agus a ardaíonn sí fós, le Ranna Rialtais éagsúla. Cuireann OOL fáilte freisin roimh an aird a thugtar, agus na moltaí a rinneadh maidir leis na réimsí a chlúdaítear inár bPlean Straitéiseach 2022–2024. Go háirithe, creideann OOL gur ábhar mór imní é na nithe seo a leanas a aithint; frith-idirdhealú, foréigean in éadan leanaí, meabhairshláinte, caighdeán maireachtála, oideachas agus ceartas leanaí agus ba cheart don Choiste an Stát a spreagadh tús áite a thabhairt do na príomhréimsí seo.

Beidh moltaí sna Tuairimí Deiridh ina n-acmhainn luachmhar chun an Rialtas a thabhairt chun cuntais agus chun teacht ar athrú dearfach do leanaí sna blianta atá le teacht.

• Feabhra 2023
• Cineál: Tuairisciú
• Ábhar: Cosaint Leanaí, Leanaí faoi chúram, Míchumas, Oideachas, Sláinte, Tithíocht, LADTA*